《KATCH OUR LIFE 陈蕾 x 洪嘉豪 x 魏浚笙 音乐会》，将于11月16日假亚博Arena举行，陈蕾、洪嘉豪Kaho及魏浚笙Jeffrey首度同台演出，近日密锣紧鼓綵排。3人为音乐费尽心思，开骚前特别透露Rundown上的可行性。
今次3个人一齐开骚，合作环节当然少不了，问到将会是怎样氛围，例如3人合唱的可会是甜蜜还是伤感情歌，陈蕾肯定的说：「甜蜜！我好活泼可爱，我哋一齐嘅vibe都几欢乐，想喺台上将呢一面带畀大家，可以唱一啲轻鬆合唱歌。」
不过陈蕾与洪嘉豪本身老友鬼鬼，经过今次合作之后，Jeffrey的加入亦令欢乐气氛升温，为避免笑场，洪嘉豪提议：「不如你唱，我弹琴！」陈蕾听到也觉得主意不错，她说：「几好喎，好有气质，你唔出声？OK！最好唔见样，净係见到只手，但我惊我净係见到只手都想笑，因为我一望到嘉豪就好想笑，所以我话好紧张呢个骚，希望到时唔好失控，因为试过同嘉豪要拍啲好认真嘅嘢，我都係笑到停唔到，好怕呢啲嘢会发生，所以《永久损毁》都係同Jeffrey唱好。」
嘉豪与Jeffrey因拍电影而成为好友，Jeffrey回忆道：「我哋喺现场唱好多歌，大声唱，发现原来大家听嘅歌都类近。」2人更是「鸡啄唔断」，频爆笑位，令工作人员笑不拢嘴，未知他们可会将这一面搬上舞台，索性加入栋笃笑元素？嘉豪即表示：「可能大家都好expect我哋喺台上，会有啲类似栋笃笑嘅嘢，但係都唔需要，因为我哋平时嘅交流，都已经会有咁嘅效果，再加上talk位唔set好，都会有爆肚，今次音乐会focus音乐，呢个组合都新鲜，可以rundown上面有一首陈蕾嘅歌，我哋三个、两个、一个会点演绎，喺音乐上都会好精彩。」
Jeffrey也认同说：「今次应该可以呈现我哋不同面向，平时大家未必见过嘅一面。」Jeffrey又指今年好幸福，他解释道：「今年年中同3个朋友仔开骚，年尾又有陈蕾同嘉豪，係好创新嘅体验，同嘉豪已有一定默契，眼神交流已经可以心领神会，陈蕾係新相识朋友，发现同嘉豪都係同vibe，觉得係好开心组合。」
（即时娱乐）