女团Me&的黄淑蔓（Feanna）与连家颖（Vian）最近化身圣诞精灵，推出充满节日气氛的跳唱作品《Me& My Christmas Town》。佳节将至，她们为对方亲手製作独一无二的爱心圣诞卡，Feanna花尽心思设计，Vian写下满满深情说话t！虽然Vian谦称「画功零蛋」，但她画了Feanna最爱的卡通人物和情话，成功打动她和全场工作人员，胜出临时举行的「Me&第一届圣诞卡设计大赛」！
每年圣诞节Me&都会和朋友开party，最难忘是抽到「伏」礼物，Feanna表示最离谱是婴儿保健药物，全场爆笑，她笑说：「每年我都会将屋企唔等使嘅嘢储埋，留喺圣诞party抽奖，交换礼物，送晒出去。我唔明啲人点解要专登去买一件伏礼物去抽奖？因为我全屋都係。」
Vian忆述最爆笑一次抽礼物经历：「大家都对最大嗰份礼物虎视眈眈，结果我好好彩咁抽中咗，我一层一层咁样撕开啲报纸，原来係个西瓜！」Feanna安慰她说：「西瓜好过冇，至少可以食，我欣赏所有送食物嘅朋友。」Vian：「咁又係，起码有得食！不过圣诞节冬天食西瓜，就真係几搞笑特别嘅体验。」
问到最想去哪庆祝圣诞？她们异口同声「芬兰」，Vian：「我哋都係浪漫因子爆棚和好重仪式感嘅人，亦好锺意圣诞节，芬兰嘅圣诞老人村係我哋梦寐以求嘅地方。」Feanna又说：「我觉得Vian好似《胡桃夹子》裏面跳芭蕾舞嗰个女仔，因为佢身材好好，我经常贪图佢嘅身材，佢着粉红色真係好靓，好似教完小朋友上芭蕾舞堂嘅老师。而且跳舞好叻，所以我好想圣诞节见到佢喺个台上面跳舞。」
（即时娱乐）