翁子光执导的《爸爸》自上映以来口碑不断，更被视为明年冲击香港电影金像奖的大热作品。翁导演早前于商台节目《星光背后》中重提《踏血寻梅》，当年虽然横扫金像奖，更成就出历史性的「演技奖大满贯」，但最佳电影一奖则败给《十年》，主持梁泰来问翁子光当年当晚的心情会有「哽住」吗？
翁子光回应︰「冇啊，当晚我仲，我记得当晚我仲少少敏感但我觉得讲得嘅，因为呢个係事实。有啲人访问我讲话︰『你有冇咩呀？』，我话我睇咗个部电影喎，我觉得个部係一部好嘅电影嚟㗎喎，当然有好多issues好多嘢大家会讲嘅就变咗另外一啲嘢啦，转移咗。但我哋如果以戏论戏嚟讲，个部电影其实亦都係一部好好嘅电影嚟，咁所以变咗我就觉得如果我係输咗比一部好嘅电影，咁有咩可以去讲呢？同埋我觉得我係电影世界度学到一个字叫Contemporaneity，呢个字係许鞍华导演教我嘅，电影有好重要嘅Contemporaneity，就係当代性。啫係如果佢一部电影能够反映到某一啲嘢，咁佢係有原因佢嘅存在或者佢嘅价值。咁所以变咗好多时候，咁甚至有人劝我，唔好讲咁多啦，但我觉得OK以戏论戏去讲，咁如果输咗比某一部电影我哋觉得係一部好嘅电影，咁有咩问题呢？」
翁子光续指自己当年最佳导演都败给徐克，解释指徐克是自己的偶像︰「如果徐克走嚟拍《踏血寻梅》，佢可以拍出咗另外一个版本，当年人哋拍《第一类型危险》，佢可能拍得好正㗎喎，但如果你叫我去拍《智取威虎山》，对唔住我唔识拍直头。」
当年《十年》夺得金像奖最佳电影之后饱受抨击，其中一个认为是误判的正是黄百呜，更曾坦言自己「冇起身走人已经係忍住。」「一套50万製作嘅电影，喺其他奖项一个奖都攞唔到，点可以叫最佳电影？」，同时表示反对赛果与监製作品《叶问3》落败无关。
以戏论戏，就算不是《十年》，也应是《踏血寻梅》。
▼Follow themovietraveller
Instagram: https://www.instagram.com/themovietraveller?igsh=MW51am9oejN2YmlkNg%3D%3D