何佩瑜孖伍咏薇上天池　天公作美唔使冻到面僵

艺人何佩瑜（Jeana）近日与同经理人公司的伍咏薇（伍姑娘）、刘若宝、黎峻及朱天前往长白山拍摄一个旅游项目，兼且负责推广吉林东北文化。众人寓工作于娱乐，不忘享受当地美食及醉人风景，爱美的Jeana更穿上粉色雪装四出打卡留倩影，靓人靓景目不暇给。

谈到此行，Jeana透露﹕「我长期喺北京生活，所以抵冷程度都可以，但伍姑娘佢哋其实唔係太习惯，事关呢几天当地气温得零下十几二十度，我哋仲要上山搵天池，真係冻到面僵兼眼睫毛结冰，不过真係天公作美，上到天池阳光普照，听讲未必位位旅客上到嚟，都遇到咁好嘅天气，同埋见到天池㗎。」

Jeana又指今次增强了不少历史知识：「呢度已经係拥有二千五百年嘅历史地标，历史人物刘伯温当年奉皇帝之命要斩断龙脉，佢偷偷哋净番一条，嗰条就係长白山嘞，我见到呢度大自然嘅感觉，真係忍唔住流咗眼泪呀！」

东网网站 : https://on.cc/东网Facebook专页 : https://www.facebook.com/onccnews/