无綫《万千星辉颁奖典礼2024》今日在将军澳电视公布各大奖项10强名单，罗子溢在台上指如果能与老婆杨茜尧一齐攞视帝和视后，画面会很梦幻和甜蜜，加上弄坏了别人的电话，笑言不少人也希望他攞视帝作出「赔偿」。
罗子溢与陈自瑶皆凭《婚后事》竞逐视帝、视后，他们一起接受访问，问到罗子溢究竟整烂了多少人的东西﹖他笑说：「暂时係『两条债』，姚子羚同胡定欣，其实我冇整烂子羚部电话，只係提佢厕所环境一般，叫佢放低部电话，佢就将电话错手整跌咗落地下，惟有安慰佢话攞奖就赔番部畀佢。胡定欣就几年前监製潘嘉德生日，将啲酒溅到佢身上，佢之后就攞咗张乾洗单畀我，我话唔得要买过新嘅。」讲到礼物似乎未有预老婆杨茜尧﹖他即大卖口乖说：「我会悉心準备礼物畀我真老婆，亦都会再準备埋畀假老婆陈自瑶。」在旁的陈自瑶则说：「佢真係好识得卖口乖。」
罗子溢讲到儿子近期曝光，被指靓仔过爸爸，他说：「佢靓仔过我係应该，因为集合咗我同老婆嘅优点，但暂时都唔会畀佢哋两个拍嘢，因为佢哋都有啲怕羞，但广告就唔俱，可以打畀佢哋『经埋人』杨茜尧。」
东网网站 : https://on.cc/东网Facebook专页 : https://www.facebook.com/onccnews/