关智斌（Kenny）和卫诗雅（Michelle）日前受邀出席一个期间限定展，并以「内容策略如何协助艺人建立形象」为主题，展开互动访谈。
6年前，Michelle开始成立自己的YouTube Channel，当中的「卫食攻略」愈拍愈受欢迎，原来开始时她十分抗拒：「我係嗰啲想好专心做一样嘢嘅人，我觉得我净係拍戏，拍戏以外嘅任何嘢，我都唔想做，以前嘅我係连访问都唔锺意做，我只係想做关于电影嘅嘢。」由于开戏的不稳定性，被建议投入YouTuber行列，她说：「我话唔好啦，枉阿姐就话：『你试吓啦。』冇办法啦，冇戏拍。『卫食攻略』都係佢哋帮我谂，因为觉得我个人贴地，就话不如拍一个咁样嘅Channel。」
Kenny坦言由始至终，都没想过自己会做YouTuber，疫情期间是转捩点，他说：「平时嘅工作好多都停顿咗，讲得白啲即係冇嘢捞。嗰段时间我睇多咗好多YouTube，开始觉得我唔使每次有演唱会，或者出碟先至见人，我可以喺呢啲片入面，同到好多人接触。拍YouTube唔係净係拍1、2条片，係要keep住长期拍，你要好有Passion先得，人哋可以了解到你最真实嘅一面。」
「枉阿姐」是2人幕后推手，她忆述最初加入公司时，拍了大量不同类型搞笑短片，但没有适合平台播放，于是胆粗粗向CEO建议：「『可唔可以开一个Channel畀我摆一啲我哋拍嘅片、自家嘅content上去？』佢话：『好吖！你开啦。叫咩名好呀？』我话要玩嘢少少，不如叫『冤枉』啦，即係英皇嘅谐音，开头谂住讲吓啫，点知老闆OK喎，原来佢比我想像中玩得，佢行得好前，我仲记得第一个project係许靖韵嘅『小背心』。」
问到拍片最大挑战，Kenny直言在YouTube世界中，艺人不会有特别优势，因为网民只会着重短片内容，跟艺人身分无关係，但他坦言因为拍摄「斌菲特」系列，而增长不少知识，他说：「因为呢个Channel要讲一啲投资、资讯性嘅嘢，每集嘉宾都係喺自己範畴入面，係一个好劲嘅人，我唔可以完全乜都唔知，就去做呢个访问，因为咁亦都係好唔Respect呢个嘉宾，喺呢一段时间，我真係增长咗好多嘅知识。」
Michelle大爆拍摄时撞破偷情男女，她说：「我哋拍『卫食攻略』，经常要去啲小店拍摄，小店多数都比较细间，我哋要避开人群嚟拍摄。有一次拍拍下突然间有个男人冲埋嚟，揞住个镜头叫我哋唔好怕，原来佢喺度同另外一个女仔偷情，条片係有出嘅，不过其实影唔到佢哋。」
（即时娱乐）