出炉影后卫诗雅与关智斌今日（17号）齐齐以最新婚嫁形象代言人身份，出席英皇珠宝《囍悦．囍爱》婚嫁活动发布会。Michelle戴上闪爆钻饰登场，期间Kenny大叫Michelle骚背，还狂嗌「影后」，相当搞笑，而Michelle仍以「我係演员」作自我介绍。
英皇集团主席杨受成为二人送上蛋糕及VIP卡，恭喜Michelle封后，并于明年出阁：「祝你个靓仔老公对你好好，不过唔好连生贵子，做多啲嘢，赚多啲钱。你出道时（酬劳）好平，但依家日日有人问价，价钱就升咗几倍。」至于本月30日迎来44岁生日的Kenny就被爆是「楼王」，杨受成说：「喺7、8年前，你都话有4层楼，仲买名车。」吓到Kenny即时O晒嘴说：「好多衫钮啫，老闆连我买股票都爆埋，好惊呀。」
谈到Michelle在社交网分享拟结婚通知书，她说：「今朝同未婚夫去婚姻登记处签个名，不过唔识路，迟咗5分钟，好惊唔畀我哋入去，未婚夫起身宣读誓词时，都好感动，我头先讲起都差啲喊，因为係人生另一阶段开始。」又直认未婚夫脚头好，虽然有时会对自己工作忙有微言，但不会给她压力，觉得另一半令她有安心的感觉，亦承认现时广告的酬金有提升。
而Kenny就谓睇好Michelle再攞多逾10个影后奖，谈及被爆是「楼王」，他笑说：「我都唔知有几多层楼，因为有啲放咗，有啲就交畀屋企人打理。（係咪都赚钱？）唔赚唔会卖出去啦，都係赚钱买花戴啫。」早前推出新歌的他，预告明年将举行个人演唱会。
东网网站 : https://on.cc/东网Facebook专页 : https://www.facebook.com/onccnews/