约满无綫的资深艺员谭伟权（Gary ）近期忙完音乐剧、又担任港台DJ，更出现两个电视的新剧，分别在无綫綫《异空感应》中饰演连环变态杀手「林港生」，而在另一电视台的《无用的谎言》则扮演执法人员，两个角色有大反差，令他过足戏瘾，不过最令他感开心与男神有缘，偕《异》剧的陈家乐及《无》剧的演员姜涛及Stanley有不少对手戏。
Gary表示:「《异》剧係2年前拍摄嘅，仲係我第一次以光头Look演出，依家出街，啲观众反应都唔错，会有啲唔识嘅朋友走嚟话我演绎个角色令人好惊恐，畀我眼神吓亲；至于《无》剧首播嗰日12月3日，就係我生日大日子，两个角色好唔同，觉得好得意，而且係我正式喺另一个电视台嘅剧集中有多啲戏份，可以同年轻一辈如姜涛、Stanley，仲有其他演艺嘅师妹合作，感觉好新鲜，希望观众接受到。」
他谈及《异空感应》中的陈家乐，大讚：「佢真係好鬼靓仔，入录影厂拍时，佢竟然唔係同我对台词，而係同我一齐唱我首儿歌《十二只恐龙去野餐》，哈哈。」至于和姜涛拍合作的难忘事，他则谓：「我同佢未正式见过面，第一次同佢拍时，因为我扮执法人员，可能我嘅气场太犀利，正式拍时，佢畀我嘅气场吓到呆咗，佢拍完就走嚟问我，问我係咪真係执法人员，我话我係演员，到第二次同佢入厂时，同佢场问话戏，同佢对戏时，可能情感上未入到去嗰个状态，其实佢要係好短时间内情绪高涨，係好难演嘅同需要少少时间，我同佢倾咗阵偈，话佢知我係舞台剧演员，做过啲咩戏，开头我以为佢好cool，但倾倾吓就觉得佢原来好好倾，之后再开机拍摄，佢拍完几个take，突然自掴几巴，我觉得佢呢个演绎几好，但唔知导演有冇用呢个take，好有惊喜。」
问到身为演戏导师的他可有指导姜涛及Stanley做戏？他又说：「唔好咁讲话教佢哋做嘢，但我真係要讚吓姜涛同Stanley啲态度真係好好，好斯文同有礼貌真係值得讚。」不过因两人未开机拍摄时，会被安排在休息中，所以未有机会可以跟人气偶像影合作留念。另外，Gary早前刚完成音乐剧，他感谢汪明荃铭点他担任男主角。
东网网站 : https://on.cc/东网Facebook专页 : https://www.facebook.com/onccnews/