李多慧行夜市误食「爬虫类」生物　 吓到呕番晒出嚟

韩籍啦啦队女神李多慧自去年喺省内发展后，凭精湛舞技及甜美靓样圈粉无数，而目前定居省内生活嘅佢，更不时透过社交网分享生活点，日前晒出一段去夜市歎美食片段嘅佢，先喺镜头前浅尝一块肉，并分享口感偏软多刺，未料随着友人透露係「蛇肉」后，吓到李多慧先係尖叫一声，之后将蛇肉吐出，事实上早喺食蛇肉前，李多慧就曾透露自己非常惊蛇，认真大整蛊呀！

而喺得知蛇肉补身后嘅李多慧，亦即刻将蛇汤递畀友人道：「你多喝…我没关係、没关係。」可爱反应引嚟唔少网友留言道：「多慧真的是偶像的外表，谐星的灵魂。」、「恭喜多慧成为第一个吃蛇肉的啦啦队。」、「李多慧尖叫的样子看起来更可爱！」、「李多慧很可爱，上节目放很开，自然又不做作。」

东网网站 : https://on.cc/东网Facebook专页 : https://www.facebook.com/onccnews/