女圑Lolly Talk偕叱咤903 DJ Elsie日前走访校园，进行「叱咤乐坛流行榜颁奖典礼」之「我在校园狂歌乱舞」第一站活动，Lolly Talk亲教由学生组成的爵士舞队跳唱《一把火》，带领全场逾300位中学生「狂歌乱舞」，一齐跳唱《六度相隔理论》。Lolly Talk演唱时更由台上跳到台下，与同学们近距离互动。
对于今次走入校园「狂歌乱舞」，Sinnie被同学们的热情打动：「我哋Lolly Talk好锺意入校园表演，今次仲可以同300几个同学仔一齐，嗰种互动同氛围，同平时嘅表演真係好唔同。唱《六度相隔理论》嘅时候，同学仔仲要好投入咁跟住唱、跟住跳，成件事好青春。当我听到佢哋识唱自己创作嘅歌，仲有啲啲感动。希望佢哋都体会到呢首歌嘅意思，缘份係好奇妙，每一位同学仔都有唔同嘅特质，能够做到朋友就係缘份，大家要好好珍惜呢份友谊。」
Tania则大讚爵士舞队的表演出色：「爵士舞队嘅同学仔为咗今次嘅表演，用咗唔够两个星期排咗呢只舞，真係好多谢佢哋。冇谂过《一把火》加入咗Jazz嘅元素係咁有惊喜，同我哋平时嘅版本好唔同，希望将来有机会同佢哋嚟一次Crossover。我初中开始学Jazz Funk，佢哋嘅表演令我谂番起以前同同学一齐练舞嘅开心回忆，希望佢哋都好好享受今次嘅演出。」
东网网站 : https://on.cc/东网Facebook专页 : https://www.facebook.com/onccnews/