周殷廷（YT）及其组合JFYT首次打入商台叱咤颁奖礼的「我最喜爱的男歌手」及「我最喜爱的组合」5强，JFYT成员之一陈钰麟（床哥）近日在社交平台开直播为组合及YT拉票时「消费」MIRROR成员吕爵安（Edan）及ERROR成员吴保锜，更指Edan一班粉丝（爵屎）为偶像拉票时，Edan却与正在追求的「大马女神」林明祯在省内逛夜市，欢迎一班爵屎把手上的票转投YT及JFYT。
床哥说︰「如果真係上台攞奖，要多谢保锜，第二个多谢儿登（Edan）。再一次呼吁， 儿登流走嘅票数，欢迎投YT同JFYT。我哋会与你同行，我哋喺投票阶段，我哋唔会去省内，我哋应承你哋，我哋会落区同你哋一齐拉票，我哋会与你同行，同埋我哋全部都有女朋友，有晒家室，你哋亦都唔需要幻想我哋成为你哋嘅恋爱对象，我哋呢度唔搞恋爱粉。如果你哋係啱啱脱咗粉，老实讲，我自己感受都好深，因为我哋星期四去唔同区域拉票，过程入面遇到唔同嘅粉丝，最多嘅係爵屎。当我哋见到佢哋好用心去拉票嘅时候，然后去到夜晚返到屋企发现，喺省内happy紧，我都唔识形容，都一定係百般滋味在心头。放心，我哋JFYT会与你哋同行，我哋一齐拉票，我哋一齐行落去，我哋会同行嘅。欢迎咁多位爵屎，加入我哋呢个JFYT大家庭，加入JFYT永远唔会迟﹗ Never too late﹗欢迎你哋，欢迎每一位，加入JFYT嘅朋友。」
床哥这番说话引起大批爵屎不满，连MIRROR成员姜涛亦留言斥「冇品」。姜涛的留言引爆骂战，不少爵屎、姜糖及镜粉纷纷留言讚姜涛为MIRROR兄弟发声，同时对JFYT及YT表达不满，有网民更在YT的社交网留言「YT大哥你队友唔尊重Edan同爵屎，佢入到五强就飘飘然？礼貌和风度呢？咁样消费吕爵安，佢欠一个道歉」、「 麻烦你个团体尊重吓镜粉，你表面就同镜仔係球场上玩得埋，实质上係咪好唔妥佢哋㗎？YT大哥你回应吓啰」及「你啲队友咁㗎…用咁嘅方式去发亮」等。不过也有不少JFYT的粉丝力撑偶像，认为床哥只是讲事实，有网民更重提姜涛曾经公审网民的事件，认为他没资格骂人。
床哥后来在Ig限时动态发文称「完全係我自己嘅责任，品德真係太缺了…」，惟有网友发现他的帖文无论是字眼和格式，均是翻炒当年姜涛自嘲「手指肥」的帖子，斥他无心致歉，继续隔空点火。而YT就置身事外，未就事件表态。
（即时娱乐）