黎诺懿被爆吼住李丞责收藏品：最贵重嗰样送咗去佢屋企

艺人黎诺懿、堪舆学家李丞责、练乐仪、荣文蔚等昨晚（26日）到西九龙出席艺术展览活动。黎诺懿由李丞责「导赏」参观，诺懿说：「师傅对中华文化、佛教都好熟悉，有咩唔明我都问佢，佢讲得好清晰。」李师傅则笑说：「因为我早嚟，睇咗一转，所以就做导赏。呢度好得意係宗教同艺术家融合，可以放鬆欣赏吓，都係好事嚟。」诺懿笑言修读过数年艺术课程，有意游说丞责师傅将他的收藏攞出来作慈善筹款，丞责师傅则笑说：「唔好成日吼住我啲嘢，我已经将最贵重嗰张送咗去诺懿屋企，有咩去佢屋企就睇到。」

讲到郑伊健最近在省内开骚诺懿可有捧场，他笑说：「我喺香港捧场，去省内就难啲，因为自已都有啲越南、马来西亚工作要飞嚟飞去，等佢返嚟香港再聚，或者佢喺香港开骚，佢开几多场我就睇几场。」

东网网站 : https://on.cc/东网Facebook专页 : https://www.facebook.com/onccnews/