艺人张衞健及梁汉文近日于马来西亚合体举行演唱会，全场爆满。虽然BIG FOUR的苏永康及许志安当晚未有现身，健仔与梁汉文依然成功复刻4人当年参加「新秀歌唱大赛」的经典片段，炒热气氛。据悉，这是二人相隔14年再次同台演出，适逢当地假期大塞车，大会临时决定延迟45分钟才开场，以方便歌迷入场。
为了今次演唱会，梁汉文学了马拉话与台下歌迷打扮呼，搞到健仔「柴台」谓﹕「你究竟讲得啱唔啱㗎？」由于二人相识逾30年，曾经更是同唱片公司歌手，健仔不禁谓﹕「我哋係同一个阿妈生嘅，阿妈生咗几十个，个个独当一面﹗」59岁的他又穿回当年参加新秀的战衣演绎《恋爱交叉》，大摆甫士作势表演翻觔斗﹕「你哋係咪好期待？係咪好好奇点解依家我唔做？嗰时我係新人呀，梗係乜都做啦，依家我係巨星，仲需要做呢啲咩？」引来笑声雷动。
一向搞笑的健仔，更即场戴上假髮，扮苏永康唱《Careless Whisper》，又一次过「晒冷」自己曾扮演过的经典角色，包括《西游记》内的孙悟空，台下有粉丝大讚他好型，健仔即接口﹕「真係？我出世嗰日已经好型啦，头先照镜照到唔想出场，哈哈﹗」接着大派福利，邀请了一男一女粉丝上台合照。至于梁汉文则用钢自弹自唱《重新做人》及《好朋友》等金曲，唤回观众很多的回忆。
东网网站 : https://on.cc/东网Facebook专页 : https://www.facebook.com/onccnews/