汪明荃（阿姐）一连两场「阿姐•汪明荃演唱会2024」昨晚（24日）于红磡香港体育馆举行尾场，好友胡枫、薛家燕、狄波拉、姜大衞、李琳琳、张德兰、张继聪、谢安琪、刘雅丽、林奕匡、陈恩硕、黄妍和欧信希等均有到场支持，杨千嬅、容祖儿和Anson Lo（卢瀚霆）则担任表演嘉宾。
阿姐在唱毕《倾城之恋》后说：「当初我邀请呢位歌手做我今次演唱会嘉宾嗰阵，佢话畀我知佢要度期，原来佢本来有演唱会係同我今次演唱会嘅日期非常接近，但係佢专登调动档期去配合我，所以我真係好多谢佢！」随即请出嘉宾杨千嬅，阿姐续说：「我记得有一次你开演唱会，我做你嘉宾，我就特登学咗一首你嘅歌唱畀你听，不如我哋唱呢首歌回忆吓？首歌係几耐之前？」千嬅说：「我要分享吓呢首歌，呢个係我第一次同阿姐建立嘅缘分，应该係20年前喺《开年大典演唱会》，嗰阵好胆粗粗，因为觉得阿姐好代表女性精神，我张演唱会海报都係杨门女将造型，係好似着住盔甲当兵嘅衫咁样。我记得当日我好紧张咁想请阿姐嚟，但去到Show嘅时候，我把声好唔舒服沙咗，但係阿姐嚟到真係好冷静，佢话千嬅唔紧要啦，叫我今晚我坐埋一边，佢唱畀我听。」千嬅指阿姐更瞒住她秘密练了两星期，和特意造衫去配合演出，令她十分感动，20年后的今天终于可以跟对方再表演一次，二人即合唱一曲《少女的祈祷》。之后阿姐将舞台交给千嬅，千嬅说：「好开心可以喺度再次为大家演出，感谢阿姐邀请我做佢演唱会嘉宾，除咗我可以再次返呢个舞台度同大家唱歌之外，最重要嘅一个原因係可以分享阿姐嘅音乐。我觉得阿姐畀到我最大嘅能量係除咗佢嘅勇气同埋坚持，对学习嘅热诚同进步之外，作为后辈可以得到佢嘅支持，呢一点係好重要。」之后便送上一曲《郎归晚》。
及后当阿姐献唱《问我》时，容祖儿突然现身台上和她合唱，唱毕后阿姐问祖儿二人是何时相识？祖儿只知是很久，阿姐说：「其实我哋係用同一个髮型师，嗰阵容祖儿好细个，佢嚟到我面前同我讲我叫容祖儿，我係罗记罗文嘅学生，好有礼貌。」祖儿说：「嗰阵我惊你唔识我。」阿姐说：「你依家已经係天后级，好嘢，你嘅努力大家睇到。」祖儿就高兴表示阿姐曾煮餸给她吃，阿姐即大讚祖儿厉害，又说：「其实你有首歌我好锺意，我哋一齐唱呢首歌好唔好？」二人即合唱祖儿的《我的骄傲》，之后祖儿再唱出阿姐的《用爱将心偷》。
在Encore环节时阿姐说：「咁多年嚟，我都好享受喺演艺界嘅工作，由演员，歌手，到粤剧演员，去到一啲行政嘅工作，为业界去贡献，每一个岗位，我都会尽心尽力，因为我知道，大家都对我哋嘅演出有期望，有要求，所以我先可以不停改进，不停增值。喺度要多谢你哋嘅支持，陪住我一直行呢条娱乐之路，同我一齐享受呢个美丽嘅世界。」最后汪阿姐以 《Make my day》为一连两晚「阿姐•汪明荃演唱会2024」画上圆满句号。
东网网站 : https://on.cc/东网Facebook专页 : https://www.facebook.com/onccnews/