戴祖仪扮鸡险出事　网友睇片大惊：会死人！

无綫小花戴祖仪紧贴网上风潮，成日都会跟风拍唔同Challenge片，今次佢就分享自己同友人玩「鸡challenge」嘅影片，并留言：「美颜是个好东西～冇乜事我都係继续执嘢了～」片中见戴祖仪身穿卡通图案Tee配牛仔裤，又似乎係素颜上阵，披头散髮咁同友人扮鸡，期间二人模仿鸡嘅左右摇晃Chok颈动作，又不停甩动头髮发癫，戴祖仪亦贯彻平时玩得形象，丝毫唔介意自己凌乱髮型及形象，玩得尽兴。

唔少网民睇完片都提醒佢咁样玩好易撞爆头，亦有机会引起头痛、扭伤颈等问题，更有网民指佢哋咁玩係有机会因摇晃症而「死人」，不过都有网民配合佢留言：「鸡！全部都係鸡！」」、「两个疯女子」、「玩到咁癫」。

东网网站 : https://on.cc/东网Facebook专页 : https://www.facebook.com/onccnews/