内地顶流男神鹿晗同花旦女友关晓彤拍拖7年，恋情低调又稳定，而关晓彤新剧《小巷人家》近期开播，鹿晗本身好少会喺社交网提及女友，今次忽然「转死性」激罕转发关晓彤嘅新剧自拍宣传，不过好快佢竟然删除转发，引发网友热议，甚至有「鹿晗删了宣传关晓彤新剧微博」登上热搜榜，阅读量到截已有4.4亿，话题过咗足足一夜都仲喺榜上。
关晓彤寻日（7日）晒出《小巷人家》剧照，写下：「立冬记得吃饺子，今晚小巷见」为自己的新戏宣传。鹿晗好快都转发女友贴文，并留言：「追剧追起来」又好有心咁贴上3个电视机emoji，但事后鹿晗删除该贴文，突如其来举动令外界雾裏看花。有粉丝就发现鹿晗最近都有为关晓彤「对手」赵露思主演新剧《珠帘玉幕》宣传，因而被指佢帮其他女仔都唔帮女友。不过同时有粉丝认为鹿晗帮手宣传会影响到关晓彤剧中CP，因此要del post。不过今次佢删掉后宣传性更强，依家成个网都讨论紧鹿晗此举，话题更係一直留喺热搜，就算被笑佢今次黐女友热度都唔紧要啦。
有自称係为关晓彤对接嘅工作人员表示，係鹿晗方自己转发后被关晓彤见到，先叫男友del post。不过稍后，有自称係鹿晗方工作人员却表示，係关晓彤叫鹿晗身边工作人员出post，鹿晗知道之后就del咗，到依家都仲係罗生门。
东网网站 : https://on.cc/东网Facebook专页 : https://www.facebook.com/onccnews/