英皇电影《里应外合》三位主角周家怡、杨天宇（Angus）及马思惠（Macy）接受电视台访问，分享拍摄的趣事及点滴。对于呢套电影拍毕3年才上映，首次担正男主角的Angus直言非常期待：「当然係好兴奋啦！但都好有压力，始终对于个票房，或者观众嘅反应我都会好在意，希望会有好成绩！其实我呢一个月都係瞓唔着。」
首次担正男主角的Angus，坦言自己是「搵命博」：「谂返开拍前嗰段操练时间，真係犹如地狱，当时练到成身伤，依家都仲未好返！嗰种係形容唔到嘅辛苦！一个月裏面，练晒所有门派嘅武术，嗰阵我一个礼拜练足六日，每日练四个钟，教练唔当你係演员，直情当你係运动员，好多时候练到晕，教练净係话O唔Ok？Ok再嚟啦！有一次晏昼练到爆咗手指，到夜晚去举铁嗰阵，教练就话其他手指冇事就练啦，几Hardcore呀！」
Angus又透露戏中与Macy对打时，首次接触动作戏的两人都不小心伤到对方，「佢嘅左勾拳打到我下巴！不过唔紧要，我都有踢亲佢！好彩大家无论样貌同身材都係真材实料！哈哈哈！」周家怡闻言即表示佩服他们两个：「我见到Angus喺天台练单槓，我几惊佢飞咗出街，其实我都好明白拍动作片，伤咗都仲要练嗰种感受，心理压力好大又怕自己做唔好，有好内疚嘅感觉，所以都唔係太想拍动作戏，除非没有足够嘅时间準备啦。」
东网网站 : https://on.cc/东网Facebook专页 : https://www.facebook.com/onccnews/