无綫艺人李芷晴近日在社交平台上载录音片段，她表示：「好喜欢嘅一首歌，温柔中带点倔强与任性，第一次录cover，希望大家锺意啦，送畀大家《至少做一件离谱的事》。」芷晴称由细到大都很喜欢唱歌，小时候曾参加学校歌唱比赛，但没有特别去学唱歌，自认没有技巧，讲到今次录音缘由，她说：「有个朋友係教唱歌，同埋帮人录音，我就自告奋勇试吓可唔可以喺录音室录一首歌，其实想做呢件事好多年，不过一直冇机会，今次终于实现咗。」问到事前有否刻意练习时，她坦言是打天才波：「冇练习，一去到就唱，录咗两、三次，我都知道未係唱得好好，希望有机会学唱歌，练好啲再录其他歌唱畀大家听。」不少网民对其处女献声反应正面，大讚好听「好过许多在职女歌手」、「拍得住原唱」、「我耳朵怀孕咗双胞胎了」。对于网民反应，芷晴谦称：「佢哋锡住我啫！我会再练习多啲，希望之后有进步。」讲到近期同时有两剧播出，她直言开心，可以让观众见到不同面貌的她：「我都有收到一啲评论话见到《企业强人》嘅Emma同《爱回家》嘅Elaine嘅感觉好唔同，好开心大家两个角色都咁锺意，希望嚟紧有更加多唔同角色可以比大家睇到。」
东网网站 : https://on.cc/东网Facebook专页 : https://www.facebook.com/onccnews/