男团ROVER全员包括亨仔（陈镇亨)、希晋（王希晋）、Kim（卓金乐）及Jason（雷濠权）偕女团Lolly Talk其中3位成员EIka（郑芷淇）、Sinnie（吴倩怡）和阿妹（黄敏蒿），还有乐坛新人陈伊霖（Eelyn）合演音乐剧《重拾：10分钟》今晚假寿臣剧院公映。
演出前8位主要演员和台前幕后进行拜神仪式，并宣布加开本月28日终极一场，合共10场。身穿运动Bra Top的阿妹状态最fit，就算素颜亦零走样，她表示：「因为唔见咗牙套，今朝好早去牙医度配番，之后去跑完步先再嚟呢度拜神，其实都试过唔见牙套架啦，（平时都咁乌龙？）我只係唔记得牙套啫，台词我记得晒嘅。」又指排练时，亨仔最多虾碌嘢。
问到可担心有人爆肚？因没有化妆欠自信的Sinnie就坚持不除口罩，她说：「我都会爆肚，会加多句台词，其实我哋排练时，个个都好认真，但排排吓就玩到癫，Eelyn嗌到声都沙，我都有责任包容啲男仔，同埋Elka都转数快，会接到我啲台词嘅。」
同样戴了口罩遮素颜的Eelyn就话未排练时，声带没问题，但一排练，可能玩到癫加上不懂用声，结果声音变沙哑，有信心「死顶」下可以完成10场演出，现时为了救声已出尽法宝，如饮开声茶，川贝水及食琵琶膏等，Sinnie就提议她饮鹹竹蜂水。
至于亨仔被Lolly Talk3位成员爆乌龙事多，他澄清：「只係试过1次啫，正式排练时，导师都有讚表现好，(你有啲紧张喎？)咁第一次做舞台剧，同埋舞台剧唔可以NG先有啲紧张啫，同拍剧係好唔同，（以前拍剧都好多NG?）都冇乜，因为拍剧都係做茄喱啡，冇乜台词，都係做本身角色。」而希晋和Kim因带病上阵，带戴住口罩谓会包容迟半拍的亨仔，亦会将压力变成动力，两人同病相怜已咳了半年，但明白带病演出非藉口。有谓财多身子弱，Kim就爆Seed谓：「冇财又病，有冇医疗卡？」亨仔则说因为两人冇钱睇专料医生，只可以睇公司医生：「20蚊一次，食靓药要加钱。」
东网网站 : https://on.cc/东网Facebook专页 : https://www.facebook.com/onccnews/