李幸倪（Gin）与曾傲棐（Arvin）正举行「学校巡迴运动比赛」，第2站来到Arvin母校「天水围香岛中学」。比赛当日，Arvin特意提早回校，争取时间先跟校长及老师们合照及聊天，一众师弟妹进入礼堂见到Arvin后立即上前争相合照。Arvin说︰「我觉得我好幸运同幸福，成日觉得离开咗一个地方、暂别一个社群之后被人记得係一种福分，尤其好多都係喺我成长路上好重要嘅老师。我好珍惜呢个缘分，多谢佢哋令到我有种『哎呀，你番嚟啦』嘅感觉。」
羽毛球赛分为3个回合，总成绩将计入龙虎榜，巡迴比赛完结后，Gin跟Arvin会到获得最高分的学校唱歌表演。比赛期间，Gin十分投入，除了「食波饼」，更飞身救波撞瘀膝头。她说︰「依家行路仲有啲痛，但好开心见到啲同学仔，可以同佢哋一齐互动。佢哋非常热情，所以我就太兴奋，都提咗自己唔好咁搏命㗎啦。由于我怀疑我队友Arvin有可能偏帮佢嘅母校，想最后可以番嚟唱歌，所以为咗公平多少少，我就出多少少力，哈哈。」比赛主持刘若宝（Polly）亦怀疑Arvin在比赛中的表现比平日差，有让赛之嫌。Arvin笑道：「回乡探亲点都要让少少嘅！但係童叟无欺，我向灯火发誓只係让咗两球，其他都係全力以赴，只不过係技不如人、状态不佳，抱歉各位。」
已毕业5年的Arvin回到母校进行活动，感受特别深。她说︰「今次我自己行上礼堂，可能因为曾经日日都喺到返学放学，就算隔咗5年个感觉好似噚日先行完咁。人生第一次有呢个咁奇妙嘅感觉，好似乜都变咗好多，但係又乜都冇变。」比赛结束后，Arvin在校园内游走一遍。她说︰「因为惊影响到同学上堂，所以範围好有限咁行咗一转学校，仲咁啱撞到自己中学嘅同班同学，有啲係嚟见工，有啲就已经係返番嚟母校做老师，个感觉好奇妙，大家用唔同身分再聚首一堂，係有种令人为之动容嘅力量。」
（即时娱乐）