MIRROR成员柳应廷(Jer)刚推出今年度最后一首派台歌〈没终点的青春〉，而MV亦都已经上架。今次为拍MV，Jer特别化了一个老妆，变身90岁老翁，而且亦有结婚场面，MV中感性的Jer更哭出真眼泪。
在经历过月亮三部曲后，Jer今年的第四首作品〈没终点的青春〉以成长、生老病死为课题，Jer说：「头三首歌走入咗幻想世界，未必咁多人可以代入到故事，所以去到第四首，好想写一首关于每一个人都经历过嘅嘢。我有好多歌曲都锺意讲关于遗憾同失去、讲人生中嘅错过，今次喺製作歌曲时，同小克倾倾下就联想到时间同生老病死嘅topic，讲一个人由得到，到失去，再去到学懂放下嘅过程。」
Jer提到人生必经阶段：「成长係一个你必须要面对选择嘅一个step，例如选择升学、就业，到读完书选择职业，又或者继续追随梦想；成长往往都係好残酷去迫当事人去做一啲决定，你可能会因为呢啲决定放低咗一啲嘢，又或者选择放弃梦想，係好残酷。」
当中包括家庭责任、生活与生存：「有好多因素令到一个人冇咗以前后生嗰种纯粹，以前后生好想做就去做，好想试就去冲，今次〈没终点的青春〉某程度上係有少少提醒大家，要保持住年轻嗰种向前冲嘅心态，唔好俾生活或者成长去迫使自己呢个人磨平所有稜角，变成一个好纯粹嘅社会齿轮。」至于Jer的最难忘人生阶段则是毕业后的日子：「毕业后冇做嘢，攞咗两年嚟全职玩音乐，係咪有好多成就？就冇嘅，纯粹只係同朋友每星期夹3、4日band、出下show，学咗好多乐器，唱咗好多歌，自从嗰段时间就好锺意唱歌，所以特别难忘。」
说到未来，Jer很想预视自己老来的模样：「我都几想睇下自己老咗係点，所以特登喺MV入面有一啲造型係俾我自己跳到去未来，睇下自己将来係点，预视自己将来老咗係点。呢个老咗嘅样，我爸妈都未必接受到。对我嚟讲係几得意，好似一个实验，俾自己睇下自己老咗个样会係点，又或者俾fans睇下我老咗会係点。」MV讲述男主角在临终经历人生走马灯，回想起多个人生重要片段，当中不少情节都很写实，Jer更因此触动了感性神经，在片场哭起来：「MV有一幕讲我爸爸走咗，我要俾妈妈一个好温暖嘅拥抱，场面有少少伤感，因为我拍嘅时候好代入到个故事就喊咗。喺现实生活你唔会想有呢个情况出现，但MV现场就觉得好似真係发生紧，所以好难忘，又感动。」
Jer在〈没终点的青春〉亲自饰演男主角，结果要扮演一位90岁的老翁，他亦因此尝试了特技化妆：「化老妆用咗好长时间，试妆都用咗4个妆，真实化妆用咗4个钟，事前更抽咗一日去倒模自己个样，都真係花咗好多时间。出到嚟见到自己特技化妆嘅老样係好真实，原来自己个样老咗係咁样。好多谢化妆师用咗好多心机同时间去研究点样做到一个好似嘅老样，都做得好好，再加埋服饰，觉得自己好似变咗一个8、90岁嘅伯伯。」