歌手冯允谦（Jay Fung）每年圣诞佳节前，都会推出新专辑，作为对自己及粉丝的礼物。今年新碟「EMO」以情绪做主题，将歌曲顺着情绪起伏排列，而昨日（12/12）新碟正式面世，Jay即急不及待到唱片店买碟，攞头彩取好意头，寓意新碟卖个满堂红。
他说﹕「今次由去年10月已经开始筹备嘞，主题情感Emotions，我主要写旋律，人类有6种基本情绪，包括happiness（快乐）、sadness（难过）、anger（愤怒）、fear（恐惧）、disgust（厌恶）、surprise（惊讶）。我係用呢啲情绪写晒全张唱片嘅歌，我希望大家由头听到尾，唔好跳播，因为有一个flow（流向），可能开始时好平静，然后会有转变，要由头听到尾去好好感受。」
除了用旋律表达情绪变化，Jay亦以不颜色的服饰配合布景和灯光设计，从视觉去表达主题：「今次用咗好道具，共通点都係反射映像，例如镜、水、玻璃，然后我就又扭又转，希望摄影师可以喺嗰啲道具反映到个样，我未试咁样影相，感觉好新鲜。啱啱红馆演唱会完咗就拍唱片封面，晚晚都发梦上台唱歌，瞓得麻麻地，都惊会好攰，但我又想快啲影喎，因为影完就可以尽情食我锺意食嘅嘢！」他又透露将与家人出发去旅行，趁机轻鬆一吓。
东网网站 : https://on.cc/东网Facebook专页 : https://www.facebook.com/onccnews/