冯允谦（Jay）昨天（12日）推出以情绪做主题的新专辑《EMO》，将歌曲顺着情绪起伏排列，为乐迷带来他悉心安排的音乐之旅。Jay昨天急不及待到唱片店买自己的新碟「攞头彩」，寓意新碟卖个满堂红。他说︰「今年嘅大碟由去年10月开始筹备，主题情感，我主要写旋律，人类有6种基本情绪，包括快乐、难过、愤怒、恐惧、厌恶、惊讶。我就係用呢啲情绪去写晒全张唱片嘅歌，所以我希望大家由头听到尾，唔好跳播，因为有一个流向，可能开始时好平静，然后会有转变，要由头听到尾去好好感受。」
除了用旋律表达情绪变化，Jay亦以不同颜色的服饰配合布景和灯光设计，从视觉去表达主题。他说：「今次用咗好多道具，共通点都係反射映像，例如镜、水、玻璃。然后我就又扭又转，希望摄影师可以喺嗰啲道具反映到个样。我未试过咁样影相，感觉好新鲜、好得意，效果亦好特别，好有艺术感。」Jay被问到平日如何发泄情绪时说︰「我会用音乐，有一段时间唔锺意讲嘢、唔识表达自己，依家除咗用音乐，仲好锺意搵同事倾偈，佢哋有时觉得我好烦，但唔紧要，有情绪就要讲出嚟，收埋喺心入面会发癫，所以我觉得好幸运，可以写歌去表达自己。」
Jay说：「啱啱红馆演唱会完咗就嚟拍唱片封面，呢几日我晚晚都发梦上台唱歌，瞓得麻麻，都惊会好攰。但我又想快啲影喎，因为影完就可以尽情食我锺意食嘅嘢！」除了美食，他还放假与哥哥和弟弟去旅行，轻鬆一下。Jay笑言：「我见到放完假之后嘅工作表排到密麻麻，有好多表演，最开心係School Tour，可以去学校唱歌，希望同学仔识唱我首新歌《会再见的》！」
（即时娱乐）