白只、廖子妤、梁雍婷与麦沛东等主演电影《一个部门的诞生》已开工，金马影帝谢君豪与演而优则导的朱栢谦（朱谦）加入拍摄，实力再增强。豪哥与朱谦称被剧本打动答应演出，豪哥说：「麦天枢係一个好好嘅编剧，今次係佢第一次导演，一定要撑佢喇，剧本相当完整，感受到佢花咗好多心机去写。开拍前都有开会，有了解导演同编剧嘅谂法。」；而朱谦则分享：「导演好有诚意，同演员有好多交流空间，所以一定要支持佢。导演了解完我哋嘅想法，又会再调整剧本，感受到佢对演员嘅重视。」
谢君哥在戏中饰演电视台老闆，朱谦饰演电视台行政总监，两人相隔14年再度合作。豪哥自认是朱谦的「乐迷」：「虽然隔咗14年先再次合作，其实我一直都睇佢做戏，听佢唱音乐剧。仲记得2010年嗰阵合作《情话紫钗》，朱谦每次唱音乐剧，我都会去台侧欣赏，真係听出耳油，好有感染力。」朱谦回礼，说：「豪哥係我偶像与榜样，佢真係有睇我嘅戏，就算有时喺街撞到，佢真係会讲得出我做紧啲咩。好多谢佢嘅指点同对后辈嘅爱。」
提到谢君豪担任策划人的电视节目《选角》告一段落，他说感受：「呢件事前后接近一年，由开头摸下摸下，到大家都越嚟越上心，其实大家都好开心，好唔捨得。最令我感动，唔单止係参赛者做得好唔好，係我见到佢哋嘅成长，感受到佢哋嘅真诚，令我自己都相当感动，充满惊喜。好多参赛者都令我喜出望外，又百感交集，见到佢地临近尾声都拼凑出好多火花。最紧要畀到一个机会年轻又热爱演戏嘅朋友，有机会发挥，帮到几多就帮几多，希望继续会见到佢哋嘅成长。」
（即时娱乐）