歌手胡鸿钧 (Hubert)和吴业坤（坤坤）相识14年，首度合体举行《GROW WITH THE FLOW 演唱会-香港站》，两人大谈当年情时，外表乖乖仔的Hubert原来是「整蛊之王」，反而「奀皮」的坤坤却屡成「受害者」，不过那些年的青葱岁月，正代表好友间的难能可贵的牵绊。
日前两人齐接受专访时，坤坤透露骚上会分享和Hubert之间的友共情，其中有不少鲜为人知的趣事，直指Hubert的玩人招数好过分：「佢以前成日整蛊我，试过一齐去厕所影我相。」问到是否三级写真？Hubert哈哈大笑：「唔係太影到个目标。（冇有影敏感部位？）我搵搵先，我唔係好记得，都影唔少，不过咩都见唔到，得个样，好矇，个样好狰狞嗰啲。（唔怕啲相流出？）唔惊，要流一早流咗啦，唔三级，冇嘢嘅，啲相我仲有Keep番。」坤坤继续「投诉」在换衫时亦被Hubert「明影」，不过他不会嬲，因知好友百厌，但Hubert闻言就话如被偷影一定反面，坤坤即问：「我可以点，打你呀，不过君子报仇，十年未晚，我谂住喺个骚度爆番你啲嘢出嚟。」
除被影「肉照」外，坤坤亦试过被Hubert玩到嬲，他说：「我哋一齐出Trip，我沖凉时佢熄我灯，我唔怕黑係怕鬼；佢成日偷望我，又试过改我电话密码，嗰时未有啲防偷窥保护贴。」Hubert还好意思问可有帮他乱发讯息，坤坤讚他尚算有良心，未有做此***事，不过因为不停错密码，结果电话被锁，令他很烦，Hubert笑问：「呢个访问出咗街之后，你啲粉丝会唔会好憎我？」坤坤坦言其粉丝一向都憎他。
虽然坤坤被Hubert「玩到残」，但亦铭记兄弟有情有义，记得在疫情期间返内地工作，全靠Hubert照顾，寄宿在他家，Hubert表示：「我嗰时喺内地工作租咗个地方，咁啱佢嚟内地拍剧，拍完剧佢又嚟咗广州，佢喺我度住咗一段时间咁啰，展开同居生活。（同住冇问题？）佢又唔係好汚糟嘅，床底永远有啲纸巾啰，仲有口罩，走时又唔拎走嗰啲。」坤坤强调因鼻敏感才要用纸巾，又问Hubert为何丢了他内藏衫裤鞋袜的行李箧，Hubert强调：「绝对冇，如果有一定畀番你，我睇过有啲底裤，哗，穿窿咪揼啦，佢走啰仲摆喺度梗係唔要啦。」坤坤则指穿窿有透气作用更好着，Hubert没好气说：「下次买番畀你，剪番个窿畀你，好唔好？」
问到两人可有感动回忆？Hubert直言曾为坤坤流泪：「佢2016年嘅时间，以新人姿态横扫各个颁奖礼嘅奖项，嗰时都係陪伴佢成长，我好记得佢第一次录自己嘅歌《原来她不够爱我》，佢唔敢行入去录音室录歌，因为佢好紧张唔敢入去，影住个门口畀我，可能佢嗰度时对自己冇信心，由佢未录呢首歌，到再推出后好受欢迎，跟住再攞埋奖，我为佢感动。」问可曾为坤坤失恋而喊过？Hubert则说只会为他失恋鼓掌，直认见证过好友经历不同的爱情，每次都是受伤者，他戥坤坤不值谓：「佢係成日都係委屈自己嗰个咁啰，（点安慰佢？）我会同佢讲活得比佢好。」
问到坤坤当Hubert遇上情困时如何开解时，他一脸疑惑问：「佢有拍过咩？」Hubert即反驳问坤坤：「你意思係我冇认真对待关係。」当闻Hubert曾和蔡思贝传绯闻时，他又再问:「真嘅咩？假㗎？（Hubert有第二个绯闻女友？）不嬲都唔係蔡思贝。（咁係边个？）冇呀。」Hubert又说和蔡思贝一向是好友，为免坤坤再「开口夹着脷」，随即翘住坤坤臂弯说要公开两人真正关係说：「其实佢只结婚戒指係我嘅。我哋都係讲番个骚，话题偏离晒。」
虽然两人感情好到渗出Hehe味，但坤坤曾有段时间和Hubert关係疏离，甚至没再联络，Hubert笑言全因坤坤走红了，人生路也不同所致，但坤坤不认同：「唔係呀，有啲事发生咗就分开过。（咩事？）大家理念唔相同，嗰时大家都细个，追求嘅嘢唔同，细个咩都想试，有好多唔同嘅念法，唔想好安稳咁，嗰啲年纪选择多想试。我又拍梗《大酱园》，佢又拍紧《降魔的》，啲时间唔啱又聚唔到会，跟住又唱片公司同朋友圈又唔同咗」不过两人强调从来没有不和。
东网网站 : https://on.cc/东网Facebook专页 : https://www.facebook.com/onccnews/