许靖韵初出道自觉会红　打几份工维持梦想

歌手许靖韵（Angela）和香港跳远运动员陈铭泰近日接受电台访问，入行超过10年的Angela，自爆推出首张大碟时便天真地以为自己一定会红，奈何事与愿违，令她深受打击：「我初出道时觉得自己好好彩，当时比较天真，觉得做歌手一出碟一定会红，点知冇人识。嗰时公司对我有信心，我自己都有信心，但娱乐圈唔係我好努力就有相等嘅回报，好多时都係睇天时地利人和，嗰时受到好大打击，认清咗呢个现实。」

由于当时刚升读大学，Angela计划毕业后才考虑事业：「毕业之后我好纠结，喺到谂继续做歌手，定係做番份正职，唔好发明星梦，最后决定喺28岁之前全力去做歌手，同时开咗个网上频道，由于当时冇人识，所以做几份工去教琴同补习，维持自己嘅兴趣，讲得伟大啲就係维持自己嘅梦想。」

东网网站 : https://on.cc/东网Facebook专页 : https://www.facebook.com/onccnews/