郑丹瑞（旦哥）、卢慧敏（Amy）与廖子妤（Fish）合作新片《得宠先生》上映，近日四出谢票宣传，旦哥爆料拍摄期间曾经中暑晕倒地上，Amy与导演误以为他即兴加戏，事后旦哥笑言指摘他们见死不救！
郑丹瑞忆述中暑晕倒当日在狗舍露天空地，拍摄一场他与Amy打扫的戏份，他说：「当时中午一点几，又唔放饭，电影就係咁，导演又唔肯放饭，三十几度，好晒，嗰场戏我洗紧狗屎，突然眼前一黑，我就『嘭』一声瞓低。后来有工作员话我知，当时我同一个石级只差少少，如果一撞落去就『係咁先』！」
旦哥又说：「我中暑嗰日，我睇到人性嘅冷暖，尤其是呢个Amy Lo，得我哋两个人做戏之嘛，我中暑晕低，『嘭』声瞓咗喺地，佢只係望住我。」Fish好奇地问：「係咪以为你做紧戏啊？」旦哥说：「所有人都以为我仲做紧戏！因为之后导演同我讲，佢当时心谂『做得几好喎…点解仲唔起身？』」Amy说：「係呀，事后我哋全部吓到黐线！」Fish问：「当时timing好好，精妙到以为係戏，用唔用到？」旦哥可惜地说：「用唔到，唔啱剧情。」他笑言怪责当时同场的Amy：「你係目击证人，而你选择不顾而去！」
Amy解释：「我当时真係以为佢扮晕。（你唔会谂剧本冇呢场戏？）佢成日即兴，我当时心谂『都几夸张喎』，无他他咪（垫褥）㗎喎，因为当时旦哥坐喺一张普通櫈上，跌落地，普通人都係好大件事，嗰日佢仲包住条腰，有腰痛。当时一部摄影机拍住我，另一部拍住佢。佢跌倒之后，我心谂：『死啦，导演未嗌cut喎，我继续演自己嗰部份。』因为我谂起周星驰嗰句『导演未嗌cut都要继续演』！」众人爆笑。旦哥说：「周星驰影响你咁紧要？人命你都唔理，周星驰唔係教你见死不救喎！」Amy称导演嗌cut后，旦哥仍然无反应，大家就知出事了！
有惊无险，旦哥回复清醒，他笑说：「当时导演走埋嚟关怀备至问候我，然后俾咗两个选择我，一係依家继续拍，一係休息一阵继续拍！然后我自己会谂，如果我係导演我会点呢？我都係会叫演员继续拍，因为时间好紧迫。」他笑言后悔：「我应该做返一个演员，坚持要返屋企。
郑丹瑞同时亦反过来安慰导演：「佢哋搵咗间房，有冷气嘅，畀我休息、瞓吓，但佢哋不停入嚟问我『得未』。作为监製、演员，又做过导演，我好理解，所以真係唔係几好意思瞓咁耐，结果嗰日我真係拍晒。唔好以为电影世界好残忍，其实经常都发生！」Amy透露其他工作人员亦有苦自己知，旦哥强调大家都好有责任心，一句「无事无事」继续工作。他说：「香港拍电影就係咁，时间又少、成本有限！」Fish说：「所以希望大家支持香港电影，等大家成本高啲，令到中暑嘅人得到妥善嘅照顾！」旦哥大叫「讲得好」！